January 15 aro 16 tariko Tura Municipal ni ning·o rama samo pala simaniko aro bading chiwalaniko dakjachinagita Tura Municipal Board (TMB) ni gita didianiko dakangaha. Ia biaprangara Chasingre, Rongkhon, Chitoktak, Chandmari, Ringrey, Tura Bajar, Hawakhana, Nakam bajar, Dermile, Araimile, Najing Bajar aro Dakgopgre ong·a ine TMB u·iatangaha.
Ia donsogimin somoio a·songni President Smti. Droupadi Murmu A·chik a·songni Tura songjinmaona re·bae 5 gipa Meghalaya Games ko 15 tariko oprake on·aniko dakangen jekon 20 tarikona a·dokni dam 11 a·jarangoni kal·susagiparang sak 3000 na batpile re·bae bakko ra·angen.
