West Garo Hills, Dadenggre Sub-Division ni ning·o ong·gipa sorkarini LP skulrango skigipani kamna seokako man·giparangko kamna rimnapkujachinagita da·al salni bako Akhil Bharatiya Vidyarthi Parishad (ABVP) dolrang skotong Minister Conrad Sangmana chitti seate namedake am·sandianirangko dakchengchina dabiangaha.
Education department ni Asst. Teacher ni biapna bimungrangko nakatatgipao, MTET pass ka·gimin mongsongbate Unreserved (UR) category o tribal saksamangni bimungba dongjani bidingo, maikai indake ong·na nanga ine ABVP ni State Secretary Tengku M Marak chittio janapataha. Indake manderangko ma·eke seokanirangko ra·chakna man·gijagipa ong·a aro ia ong·gimin obostani bidingo namedake am·sandianiko dakchengna nanga ine Marak dabiangaha. Unbaksana iani bidingo Marak mingbonga sing·doanirangko dakangan baksana Education department ko aganchakchinagita dabiangaha jeon skanggipao, UR category o bimung nakatgijaniara tribal me·a me·chikrang gipinrang baksa apsan gadangona sokdojama? Ge 34 oni ge 33 biaprangko maikai jatsanisan man·a nanga? Ia Asst. Teacher ni postna ua jolo jatsasan poraia skiani bidingo sokdoaiama aro gipin jatde sokdojahama? A·jani Education department ara ua jatsanasan chu·gimik skie on·aniko dakengama? Jatsasan indakgipa gadangona sokdoataniko aro jatgipinde sokdona man·gija dake bak dakaniko sawa jako ra·enga ine ABVP dolrang sing·doanirangko dakangaha.
Bon·kame indakgipa kamrangni bidingo name am·sandianiko dakan baksana a·dokni dingtang dingtang jatni man·a kragipa manderangna kakket bichalona ra·bae on·chinagita ABVP dolrang dabiangaha.
