Da∙al salni bako, Meghalaya Indigenous Minority Tribes’ Forum (MIMTF), Chief Minister-ko gronge uamangni nangarangko parakna memorandum-ko on∙angaha. Uamang dolni memorandum-o parakatani gitade pilak a∙doko songdongenggipa chonchongipa jatrang chongmotan Hajong, Koch, Rabha, Boro-Kachari aro Mann, uamangna reservation ko 5 percent-oni 15 percent-ona bariatchina didiangaha.
Uamang apsan memorandum-ko Union Home Minister Amit Shah, Ministry of Tribal Affairs, a∙dokni Governor aro Law minister, Dr. Ampareen Lyngdoh na on∙anggen ine gitcham Minister aro forum ni ku∙wattimgipa, KC Boro aganangaha.