A∙dokni Education Minister, Rakkam A Sangma, a∙doko lekka porako namdapatna aro dingtanganiko ra∙bana uni department raken jotton ka∙enga ine Budbar salo aganangaha. Uni agananio ua dingtangmancha Garo hills o bi∙sarangni nambee porikkao chu∙sokanina aro pilak skigiparangni tikkele jotton ka∙anina a∙jatangna mikkim rasongko ra∙baaha ine ua janapangaha. Unbaksana ua sakanti skigiparangko uamangni chatro chatri-rang mikkangchi nambate dakenba a∙dokni dal∙roroanina aro namgnina kam ka∙na gita ku∙cholsan ong∙e jotton ka∙china didianiko on∙angaha.
Education department-ni adviser ba ku∙pattianiko on∙gipa, Himalaya Shangpliang, Garo hills a∙jani mitam skulo poraienggipa bi∙sarang ia changde, skotong songjinmao donggipa skulrangna baten name dakaha ine parakangaha. Je skulrangan ia changni porikkao name dakna man∙jahachim, uamangko dingtang cholrangko ra∙e nipiltaina didianikoba on∙angaha.
