Javelin gosusaanio Garo Hills ni bakko ra·giparang bang∙bate medalrangko man∙anga

Meghalaya Games 2024 o da∙al salni bako Javelin throw ba petchokgipa sel∙uko gosusaatanio Garo Hills ni a∙jarangoni bakko ra∙giparang bang∙bate chenagita man∙angaha.

Me∙asarangni gisepo gosusagiparangoni NGH ni Tushal M. Sangma 48.55 m mang chel∙e tang·ate Gold medalko man∙aha. Silver medalko SGH a∙jaoni Biljakra A. Sangma (46.13m) aro WGH ni Pantera A. Sangma (45.00m) Bronze medalko man∙angskaaha.

Me∙chikrangni gisepo gosusaanio Gold medalko NGH a∙jaoni Praichi G. Momin 29.87 m mang chel∙e goe chegipa ong∙aha. Ri-Bhoi a∙jaoni Melibad Kro, 27.89 m mang chel∙e gona man∙e Silver medalko man∙aha aro NGH oni Senitha G. Momin, 25.7m ko goe Bronze medalko man·e che∙gipa ong∙aha.