Da·al pring walni somoio songni manderang, saksa an·o dongenggipa me·chikmako South Garo Hills ni Moheshkola PHC ona rimangon, PHC ni do·gako tala teke donako nikenagita nangaha aro neng·nikanirangko chagrongna nangaha.
Moheshkola PHC ona sagipako rimangon darang Doctor, Nurse ba gipin staff rangkoba man·ejae songni manderang an·o dongenggipa me·chikmako noktangchina ra·angpilna nangao ga·akaha. PHC ko manderangna sanna bannaniko on·a aro rang·gitik nangan somoio dakchakaniko man·a ra·bae on·manahaoba, ian kamrangko nirok simsakgija galchipe donenganiko niknagita man·angaha. Sanchakram biapo Doctor aro dakchakaniko on·enggipa Nurse rang dongijaniara songni manderangna walchang salchango sanna bannaniko man·a neng·nikaniko on·anian ong·a.
