Mijal salni bako Khelo India Youth Games 2024, me·asarangni skanggipa Group A nigita Meghalaya aro Uttar Pradesh ni gisepgriko Chennai a·doko robol kal·susaanio, Meghalaya goal 4 chi Uttar Pradesh ko amatnagita man·aha. Ia susaanio chu·gimik somoio kal·ani ja·man Uttar Pradesh goal 1 kosan chipnagita man·aiaha.
Mebanlamlynti Masharing gisik nangbee kal·anichi goal 2 ko chipnagita man·an baksana Bipiush G. Marak aro Mebannangkiew Thabah doltangna goal prakko chipe on·aha. Meghalaya dolni changgipin kal·ani knal 3 bajio Punjab baksa mikkangchake kal·angskagen.
Re·anggipa bilsio Junior National Football Championship (Tier 1) o nambatgipa dol 7 kal·a matchotani ja·man, Meghalaya aro gipin dol 6 rangko ia tournament na seokako man·angaha jeon Tamil Nadu ba sokachakgipa a·dok ong·e susanagita bak man·paaha. Una agreba Group ge·gnioni nambatgipa dolgnirang semi final kal·nagita sokdogiparang ong·anggen.
