Williamnagar Butchers Association nigita skanggipa General Meeting ko uamangni office-o February 11 tarik, Robibar salo ong·atangaha. Ia tom·anio uamangni dongimin agenda ba chanchirimanirangko dake adita ja·rikna nanggipa niamrangko tarie, wilwilao songdongenggipa manderangna u·iatangaha.
Urban Municipal areani ning·o je be·en ba na·tokrangko Association o bimung segatgija palengiparangko jegalaniko dake palna beng·atan baksana dokanrango palgija bike ba garirango re·roroe palgiparangkoba Municipalni areao paljachinagitaba beng·ataha.
Association-ni dongimin niamrangni kosako manigija ba drae pala sim·anirangko dakgenchimode uamangni dongimin niamrango pangchake raka ja·kurangko de·anggen ine Butchers Association ni President Christ Marak koborna parakataha.