GHADC o kam ka∙giparangna dormaharangko on∙jani bidingo NGEA jingjengatna a∙bachengata

GHADC o kam ka·giparang dormaharangko man·jaengani a·selo da·al 10 bajioni 4 bajiona Tura Government Collegeni kal∙chakram biapo Non Gazzeted Employees Association (NGEA) dolrang jingjengataniko dakna a·bachengataha. NGEA ni President Bithen M Sangmani aganani gitade CEM ni knachake uamangni man∙a nanggipa dormaharangko on∙a ku∙rachakja dipet ia jingjengataniko ong·atanggen ine parakangaha.

Ia jingjengataniko uamang an∙tangtangni ja 32 na man∙a nanggipa dormaharangko man∙jani a·sel ong∙atna nangaona ga·akaha ine NGEA ni President koborna parakataha. GHADC o kam ka∙enggiparangna dormaharangko on∙jani gimin an∙tangtangni nokdangrangko chalainagita, bi∙sarangko poraiatna, sanna bannaniko dakna aro cha·anirangko ra·na neng∙nikanirangko man∙ani gimin uamang bang∙a dukrangko chagrongna nangenga ineba ua agandapangaha.