Meghalaya Board of School Education (MBOSE) 2024 ni ong·nasienggipa SSLC porikkako March 4 tarikoni aro HSSLC porikkako March 1 tarikoni a∙bachengatna tik ka·aniko mijal salni bako Education Minister Rakkam Sangma parakataha. HSSLC porikkako a·dokni ge 108 centre rango sechakaniko dakanggen aro SSLC porikkako ge 159 centre rango sechakangskagen.
Porikka ong·ani somoirango bijoli den·anirang dongjawa aro nangchongmotgipa dakna nanggni kamrangkoba ka∙angenga ine Sangma parakataha. Porikkarangko maming neng∙nikagri aro tom∙tome matchotna man·agita MBOSE ni officer rang, police official aro dingtang dingtang sipai kotokrang tarisamsoe kamrangko ka∙angenga ineba Sangma u·iatangaha.
