Tura, Danakgreo 1st Bn Border Security Force (BSF) dolrang chang 58 gipa Raising Day ko da∙al salo maniangaha. Ia salko manianiara India a∙songni Pakistan baksa dakgrikani somoio an∙tangtangni janggiko a∙songna on∙kange dakgrikgipa sipairangko gisik ra∙na aro mande ra∙aniko mesokna gita maniani ong∙a. Ia manianio sorkarini dal∙dalgipa officialrang, military ni dilgiparang aro gipinrang bakko ra∙angaha.
Ia manianio battalion rangni silchi dare rangko mesokan baksana an·chi on·gilaniko ong·atanio sak 58 mangni manderangni bak ra·aniko nikangnagita man·angaha jekon Tura Civil Hospital ni doctor rang dakchake on·angaha.
Una agreba ia manianio Bada Khana ko ong·ate dingtang dingtang jatni chrokanirang jekai Bihu aro Bhangra rangko nikna man·aha jeon BSF ni Officerrang, Subordinate Officerrang aro Jawan rangba bak ra·angtokaha. Ia programona Offg DIG Sector HQ Tura ni Arun Lal Bhagat mongsonggipa ong·e sokbaaha aro 1st Bn BSF ni Comdt uni namgipa skaniko aro ku·pattianiko pilak BSF sipairangna aganangaha.
