Da·al attam 7 bajimangni somoio EGH Chiading ramao ro·ong salgipa gari truck chaka goprete a·sel ong·aha. Ia a·sel ong·anio gariko salgipa aro re·chapgipa saksa saknaaniko man·aha ine songni manderanga u·atangaha.
Ia rama namen gongge ske dakgipa rama ong·ani a·selo aro truck garini gitdile donganichi gipin dal·dalgipa garirang ramako basee re·na chakjae neng·take dongna nangao ga·akenga. Ramao gari a·sel ong·anichi champenge donggenchimoba gari chongiparangna rama re·na jokkuenga ineba koborko man∙soaha.
Indake ong·engon garirangni re·na jokjaengani gimin, gitdile dongenggipa gari ko saldonagita pulisrangna koborko on·ataha ine songni manderang u·iataha.
