Indian Space Research Organization (ISRO) ni programme ong∙atenggipa Space Science and Technology Awareness Training (START) na Meghalaya a∙doko donggipa University of Science and Technology (USTM) seokako man∙aha. Ia programme-o postgraduate aro undergraduate chatro chatrirangnasan ong∙aigija, class 11 aro 12 Science ni a∙bao poraienggipa chatro-chatri rangba bakko ra∙angna man∙gen.
START program ko online sa ong∙atengani gimin a∙dokni pilak chatro chatrirang jemangan bakko ra∙na skengachim ia programme o bakko ra∙angna man∙gen ine USTM ni Vice Chancellor G.D. Sharma u∙iataha. Indian Academia aro ISRO centre ni scientist-rang dingtang dingtang space science jean Astronomy, Astrophysics, Heliophysics aro Sun-Earth interaction rangni gimin skina mangsongenga. Re∙baenggipa July aro August 2023 ni gisepo konta gni ba gittam prak, anti gittam rangna START program ko ong∙atgen ine Head of The Department of Physics aro START Program, USTM Nodal Centre ni coordinator Nitu Borgohain aganangaha.
START Programme-o tangka paisa gri biming segate bakko ra∙angna man∙gen aro biming ra∙chakaniko June 23 oni a∙bachengate July 15 ona dakanggen. START programme ni gita, Indian Space Science Exploration Program aro Space Science and Technology-o chatro chatrirangna, dingtang dingtang gadango u∙iani chol rangko skie on∙angan baksa mikkangchi manderangna maikai dakchakani aro kamrangko ka∙ani bidingo skie on∙aniko dakanggen.
