EGH a·jao donggipa Bangong chibamaoniko Bangonggre A·kingni Nokma Sordarrang maming u·ita gri MP Agarwal companyna adita tangka paisarangna pale cha·angaha ine A·chik Progressive Approach (APA) dolrang parakataha. Ia chibimaoniko da·alo kolrangko jakale ro·ong aro an·chengrangko bikotanichi rongtalgipa chibimako nosto ka·asan ong·aigija chio donggipa janggi gnanggiparangko gimaataona ra·bagen ine APA dolrang suk ong·gijaniko parakangaha.
Ia Chibimaoniko ro·ong aro an·chengrangko manigija bikotanggenchimode NGT ni niamo pangchake badi ka.doanggen ine APA dolrang mikrakataniko on·angaha. Rongtalgipa chibimako name rakkina, chini jonturangni dongramko nosto ka·aoni champengnagita aro ripinge rakkiangna APA dolrang ia kamrangko dontongchina didiangaha.
