Da∙al salni bako South Garo Hills a∙jani Deputy Commissioner aro District Election Officer (DEO) R P. Marak re∙baenggipa Lok Sabha Election-o Ampati, Mahendraganj aro Salmanpara Assembly Constituency rango daito ga∙akgipa Sector Officer-rangna election-ni somoio dakna nanggnigipa kamrangni bidingo talate on∙angaha. Ia tom∙anio Additional DC, Assistant Commissioner baksana re∙baenggipa election-o a∙janigita don∙gimin Nodal Officer-rang bakko ra∙angaha.
Ia tom∙anio DEO R P. Marak election na skang dakna nanggni kamrangni bidingo talatangan baksana, Polling Station ni Block Level Officer (BLO) rangosan pangchakaigija an∙tangtangan re∙e doe nirokchinagitaba didiangaha. Apsan dake pu∙onani walsa skang, pu∙onani somoio, pu∙onani jaman, Model Code of Conduct aro election-o dingtang dingtang dakna nanggnigipa kamrangni bidingo Ampati-ni District Informatics Officer, NIC, E. Marak noksarangko mesoke talate on∙angaha.
Unbaksana pilak licence gnange slai jakkalenggiparangko uamangni sepangbatgipa Police Station-rango on·e donechinagita a∙jani DC aro District Magistrate, R P. Marak ge∙atangaha. Ia apsan dakgipa tom·aniko re∙anggipa antio bakgittam dake tom∙dilangaha aro batanggimin sombar saloba dakangaha.
