Chokpot constituency-ni gitcham MLA Lazarus Sangma, TMC doloni ong·kate changsatai Congress dol baksa bakrimeaha. Lazarus Sangma aro una chakpagipa manderang, da·o ong·nasienggipa Lok Sabha election-o Congress doloni Turao susana am·enggipa Saleng Sangmana chakpaaniko on·angaha.
Sangmani gitcham dolona re·bapiltaianiko State Working President Deborah Marak aro Saleng Sangma rim·chaksoaha. Ua re·anggipa 2018 bilsini election-o Congress doloni Chokpot constituency-o susae chegipa ong·angaha aro ja·mano ua TMC dolo napskae 2023 bilsini election-o susaanio NPP dolni Sengchim N. Sangma baksa sirikskaaha.
