Re·anggipa February 22 tariko Garo National Liberation Army Re-Group (GNLA-R) H.Q. Tura WGH ni Chairman Goera Pantora Sangma ine bimungko done Facebook ko chalaianio bak donggipa mande sakgittamko rim·e mokordomako ka·angaha. Uamang sakgittamko WGH aro NGH pulis dolrang adita am·sandianirangko dakani ja·mano uamang sakgittamko sing·sandianio, Facebook o “Goera Pantora” ni bimungo Facebook account ko kulie GNLA-R ni bidingo koborrangko watenga ine ma·sinagita man·angaha. Indakgipa kamrango jako donganina batanggimin somoirango mokordoma ka·anirango pangchake aro ong·gijagipa kamrangko ka·enganina rim·angaha ine pulis dolrang parakataha.
Rim·ako man·gipa sakgittam manderangara Sengsrang N. Marak, Thosengcheba A. Sangma aro Chijang A. Sangma ong·a. Uamangoniko Realme C 11, Nokia keypad, JIO Bharat keypad, Lenovo IdeaPad laptop, adita sim card rang aro All Garo Hills Merchants Association (AGHMA) ni pamphlet rangkoba man·angaha ine u·iatangaha.
Iani bidingo GNLA-R ni bidingo koborrangko man·genchimode pulis dolrangna u·iatchinaba mol·molangaha aro kobor on·timgipa manderangni gimin maming dakeba u·iatjawa ineba pulis dolrang u·iatangaha.
