Re·anggipa March 16 tariko West Garo Hills-ni Chikasingre-o bosturangko palnagita antidamko NABARD, Shillong-ni Deputy General Manager Arun Kumar oprake on·angaha. West Garo Hills NABARD-ni DDM Kitmiller Sangma, Bakdil ni Director aro Secretary Rev. FR. Cyril Sangma baksana Bakdil-o kam ka·enggiparang, Nokma, songni dilgiparang, mondolio dangdike on·giparang aro songni manderangba ia antidamko a·bachengate on·anio dongpae bakko ra·angtokaha.
Ia project-ko Bakdil-nigita ra·bae on·anina, Nokma aro songni manderang Bakdil baksa nangrime kamrangko ka·nagita a·arangko on·ahanina DGM mittelpilangaha. Indakgipa project rangko ra·bae on·aniara songdongenggipa manderangni pale sim·e cha·anio tangka paisarangko bariatna dakchakani ong·angan baksana wilwilao songdongenggipa sak 6000 manderangna namgniko on·anggen ineba ua aganangaha.
Iasan ong·aigija ia antidamko nirok simsaknagita Committee koba seokna aro mikkangchi indakgipa antidamrangko ra·baanio chu·sokanirangko knaangna ka∙dongani aro nama sikanirangkoba on·angjolaha.
