Re·anggipa 2023 Assembly Election o BJP dolo chakatgipa aro Baghmara ni gitcham MLA Samuel M. Sangma aro Gasuapara ni gitcham MDC Devier M. Sangma da·al salni bako NPP dol baksa bakrimeaha ine koborna parakataha. Uamang sakgnini NPP dolona re·baaniko PHE Minister Marcuise Marak aro Education Minister Rakkam Sangma rimchaksoaniko dakangaha.
Uamangni kusi ong·bee NPP dol baksa bakrime kamko ka·na ja·ku de·anian re·baenggipa Lok Sabha 2024 election o bilakbatatani aro chu·sokaniko ra·bana ka·dongsoaniko mesokani ong·a ine PHE Minister Marcuise Marak aganangaha.
