Meghalaya a∙doko jelroroenggipa matchurangni be∙en-bigilni sabisi, Lumpy Skin Disease (LSD) ko man∙e mang 100-na bate siangaha, mang 8000-na bate sabisiko man·enggiparang dongenga aro mang 28,500 matchurangko biji su·anirangko dakaha ine Robibar salo Veterinary Health Department ni gita u∙iataha.
Animal Husbandry and Veterinary Department ni see rakkiani gita ia sabisiko man∙enggipa matchurang mang 8,177 gnang aro 5,884 sabisiko man∙e nampilaha aro mang 101 matchurang siangaha. Unbaksana ia bilsini January ja-oni da∙alona kingking a·doko mang 230 mangna bate wakrang African swine fever man·aha ineba Veterinary Department parakataha.
