Meghalaya Human Rights Commission-ni member rang, B. Giri aro P J P Hanaman ni donganio, re·anggipa March 19 oni 21 tarikona human rights ni kosako niam pe·aniko commision ona janapatgiparangni bidingo Tura songjinmao tom·e chanchirimaniko dakangaha.
Ia tom·e chanchianio re·anggipa 2018 bilsini July 25 tariko North Garo Hills, Manikganj songo sak 5 bijoli nange sigiparangni jikgiparangna gong lakh 1 ko Meghalaya Power Distribution Development Corporation Ltd (MePDCL) ni tangkarangko ex-gratia on·a tik ka·angaha. Ex-gratia ni tangkarangko 2019 bilsini February 11 tarikon chamatmanahaoba on·ningna man·jaha jekon da·o Commission ni ja·ku de·e kam ka·anichi 2024 March 20 tariko segri jikgiparangna tangkarangko on·agita man·angaha.
Indake bijoli nange sianggiparangna ex-gratia ni tangka paisarangko, gong lakh 1 oniko gong 2,50,000 ona bariatangaha jekon 2020 July 22 tarikoni a·bachengataha.
