Re∙baenggipa April 19 tariko ong∙nasienggipa Lok Sabha Election o Bharatiya Janata Party (BJP) dolrang Tura aro Shillong Parliamentary seat na susanagita darangkoba seokaniko dakjawa ine BJP ni ku∙watimgipa Sambit Patra u∙iatangaha.
Iako parakatengon BJP dol ia electiono susagrikanio Conrad Sangma ni dilenggipa NPP dolna Shillong aro Tura seat ge∙gnion uamangna chake kam ka∙angskaen ine u∙iatangaha.
Apsan daken BJP dolrang Outer Manipur Constituency o NPF aro Nagaland o NDPP na chakaniko dakanggen ineba parakatangaha.
