Northeast Petroleum Dealer’s Association, Guwahati, Uzanbazar Office-o tom·aniko dake konta 48 na petrol pump rangko chipate jingjengatangna jinma ra·chake tik ka·angaha. Ia jingjengataniko ‘Protest Closure of No Purchase No Sale’ kattao pangchake, da·al pring 5 bajioni a·bachengate, April 1 tarikni pring 5 bajiona ong·atangna tik ka·angaha.
Association-ni u·iatanigitade, ia jingjengataniko batanggimin 2017 bilsioni dealer commission ba uamangni man·a nanggnirangko bariatjani gimin, unbaksana gipin dabianirang aro to company rangna seatgipa chittio association-ni adita niamrangko pe·ani a·selo ia ja·kuko de·na jinma ra·chakaha ine prakataha. Retail Outlets (RO) rangko chalaianio korosrang barigenchimoba, adita nanggipa dingtangatanirangko dakjaengani gimin uamangni kamrangko ka·na namen neng·nikaniko man·enga ine association u·iatangaha.
