Meghalaya police ni kamna online gita dorgasto galaniko website o adita neng·nikanirangko man·engani a·selo dikdiksa somoina dontongataniko Inspector General of Police Cum-Chairman, Central Recruitment Board, F. G. Kharshiing, IPS parakataha. Ia neng·nikaniko namatani ja·mano dingtang dingtang police ni kamrangna online gita dorgasto galaniko a·bachengataigen ine IGP u·iataha.
Re·anggipa changoba Meghalaya Police ni website o technical nigita neng·nikanirangko man·ani bidingon online gita kamna galani sal aro tarikko dingtangatna nangao ga·akaha jekon April 8 tarikoni a·bachengate 31 May tarikona ra·chakangna tik ka·manaha. Gisiko nange police ni kamrangna galatenggiparangko ia a·selrangko chagrongenganina chakchike sengpachinaba IGP mol·molataha.
