Da·al salni 4:40 mang bajirango, Tura Tetengkol gittimo Mahindra XUV 300 gariko wa·al kamaha. Ia ong·a obostani ja·pang aro ja·dilko name ma·sina man·kujaenga. Chanchichipanigitade sal ding·beani a·selo garini engine-o ding·doe wa·al kamaona soknaba gnang ine nikgipa manderang u·iatangaha.
Ia gari saksa L. R. Marak ni bimingo register ka·gipa ong·a. Gari kama bakan fire brigade rangko okamatahaoba, ja·manchakbee sokbaani gimin wa·alko dontongatna man·jaha jeni a·selo gari chu·gimik kamaona sokaha. Police dolrangkoba ia obosta ong·gipa a·damona okamataha aro talbate u·inagita sepangjolo donggipa manderango sing·sandianiko dakangenga.
