Meghalaya Industrial Development Corporation Ltd. (MIDC) ISO 9001:2015 aro ISO 14001: 2015 Certification rangko man·aniko da·al salni bako koborna u·iatangaha.
Corporation-ni namgipa kam ka·ani ja·kurangko de·anichi aro wil·wilao donggipa bola wa·a, chiring chibisikrangko ripingna miksonge kam ka·anichi MIDC a·doko ge·sa State Public Sector Undertaking (PSU) nigita certification rangko man·chenggipa ong·an baksana uamangni gisiko nange kam ka·anichi international gadango kamrangko ka·angenga. Ia ming gni certification rangko man·aniara corporation-ni wilwilao donggipako nosto on·ggnioniko komiatna kam ka·na ku·michetaniko mesokani ong·a ine u·iatangaha.
ISO 9001:2015 cetification-nigita corporation namgipa kam ka·anirangko on·enga jekai a·arangko on·anio, nok-building rangko rikna aro bading chiwalna loan-rangko on·e dakchakenga. Ia certification ko man·anian MIDC ni songsalko namdapatna aro international gadango kamrangko ka·na miksonganiko mesoka. Apsan daken ISO 14001: 2015 certification buring bolgrim rangko ripinge kam ka·aniko aro baikamgipa chol ba bewalrangko jakkale re·mikkangniko mesokani ong·a.
Ian Meghalaya a·doko gitchambatgipa corporation ong·a jekon anga aro angni ka·rimskarangni ISO certification ko man·anichi manderangna namgipa aro buring bolgrimrangko ripingna kam ka·na kang·kare ka·aniko mesoka ine MIDC ni Chairman James P. K Sangma aganangaha. Unbaksana mikkangchiba indakgipa nama gadango kamrangko ka·e, buring bolgrimrangko man·a dipet ripinge kamrangko ka·anggen ineba ua aganangaha.
Indakgipa gadangrango niksenganiko man·anian corporation na namen rasong chabeani ong·a aro ian Northeast ni gisepo nambatsranggipa Industrial Development Corporation ong·anikoba mesokangaha ine MIDC ni Managing Director DD Nongmalieh aganangaha. Ian apsan daken mikkangchiba Meghalaya a·dokna aro development na nambata gadango kamrangko tikkele ka·angna miksonganikoba ua agandapangaha.
