June jani 27 tariko, Durama Association of Music and Art (DAMA) Prime Music Incubation workshop Program ko ong∙atangaha. Ia program o git ring∙anio maikai dingtang dingtang sulrangko jakkale ku∙rangrangko namatani gimin Tra Chesyl Marak nambee skie on∙aniko dakangaha.
Unbaksana Te Silman Marak Guitar dokani dingtang dingtang bewalrangko aro knatogipa sulrangko bikote dokna sapanirangko skie on∙angskaaha.
Uamang an∙tangtangni changa sapaniko jakkale ia programo bak ra∙gipa sakantina doka dam∙anina, knatogipa sulrangko jakkale git ring∙na chadamberangna gisiko nangbee skie on∙aniko dakangaha.
