South Garo Hills a∙jani Tolegre songo bilsi 40 million-na batgipa gitchambegipa fossil ba mainiba bimangko a∙ningo ru·uta bilsirangna donge ro∙ong pil∙giminko Geological Survey of India dolrang man∙aha. Sandie man·gimin bosturangni bidingo Geological Survey of India-nigita name ma·sinagita am∙sandianiko dakangkuenga ine parakataha.
Batanggimin salrangoba dingtang dingtang am·sandianirangko dake Garo Hills-ni mittam biaprango fossil rangko man·angaha. Fossil jean janggi gnanggipa matburing ba bol wa·arangni siani ja·mano a·a, chi, a·dubek aro volcano ni ong·katgipa lava rangni ta·rake mitapako man·ani a·selo rong·tegita chacha rake pilgiminrang ong·a.
Koborna parakatanigitade ru·utgija somoini gisepon Geological Survey of India ni am·sandienggipa dolrang bosturangko man·gipa a·damona re·angtaie porikka ra·aniko dakangkugen ineba u·iatangaha.
