SGH Baghmara songjinmani Police Station mikkango donggipa SBI ATM-ko ru·uta somoirangna galchipe donenganina aro changni chang chalaie on·china u∙iataniko dakgenchimoba maming nirokataniko dakkujaengani gimin ta·rakkale nirokatchinagita Baghmara jolni A·chik Holistic Awakening Movement (AHAM) dolrang a·jani DC na chitti see u·iatangaha.
ATM ko a·bachengate on·an baksana Cash Deposit Machine aro Passbook Update ka·ani kolkoba gital songe on·china dabiangaha. Uamangni dabiani miksonganiara chonchongipa kamrangna jekai passbook update ka·namangba jolo songdongenggipa manderang ro·e ritingo chadengnagita nangronga aro ian sakantina namen neng·nikaniko on·enga ine janapataha. Indaken janapgimin kolrangko songe on·genchimode ua biaponiko tangka paisarangko chipna aro bikotnagita altuae man·gen aro bank-o chadenge sengna nangaoniko olgrokataniba ong·gen ine janapangaha.
Ia janapgimin kolrangko ta·rakkale songe a·bachengate on·china aro songdongenggipa manderangni neng·nikanirangko olgrokatnagita ja·kurangko de·e kamrangko nirokatchina AHAM dolrang a·jani DC ko mol·molataha.
